SCOLÉ era o termo na Antiga Grecia que facía referencia ao ocio e o tempo libre, o tempo libro: todo o que as persoas aprenden fóra das aulas, representando unha posibilidade real de abstraerse das actividades meramente de subsistencia, implicando necesariamente as condicións de paz, reflexión, prosperidade e liberdade respecto das tarefas cotiás vencelladas á vida produtiva.
SCOLÉ tamén é unha Escola de Tempo Libre fundada en Sobrado dos Monxes en 2020. Un equipo multidisciplinar formado por profesionais altamente cualificadas de distintos eidos, que tratan de non adaptarse aos cambios, senón adiantarse a eles, tanto na educación medioambiental en particular coma na educación non formal en xeral.
SCOLÉ é unha aposta profesional e persoal polo emprendemento cooperativo, loitando por vivir dignamente traballando por e para a nosa paixón: a educación.
SCOLÉ é rural, é integral, é enxebre, é tradición, é traballo en equipo, é cooperación, é orgullo, é solidariedade… pero sobre todo en SCOLÉ poñemos o acento no E de Educación.
Entidades que o fan posible
