O Friulio é organizado cada primavera pola Asociación A Castronela, na que centos de veciños e veciñas reúnense nos seus tempos libres para construír un poboado castrexo, así como as súas caracterizacións como habitantes dos antigos castros, ou ben romanos e romanas. E no Friulio participan múltiples asociacións de recreación histórica, como as que integran o Arde Lucus ou vindas doutras partes da península.
Esta actividade proponse axudar a poñer en valor a actividade da Castronela, así como o Castro Friulio e as súas actividades diarias: restauración e consolidación das pallozas do castro, renovación dos tellados vexetais, sinalización dos accesos, retirada de especies invasoras e plantación de autóctonas nas inmediacións do Castro, e moito máis!
TAREAS DE VOLUNTARIADO
Para este 2023 o obxectivo principal é axudar na posta en marcha e execución da II Malla no Castro Friulio: un evento que tivo lugar por primeira vez o ano pasado, coincidindo coa primeira edición deste campo de voluntariado, e no que se trata de recuperar a tradición da malla do trigo, un evento moito máis alá da simple criba dos cereais: a malla era un proceso que duraba días, e que involucraba a todos os veciños e veciñas das aldeas durante esas xornadas de traballo en equipo para poder terminar a faena canto antes, nun ambiente festivo.